Surah Inshiqaq with Urdu Translation

سورة الإنشقاق

Para / Chapter
30 (Al-Inshiqaq)
Voice/Recited
Shaikh Abd-ur Rahman As-Sudais & Shaikh Su'ood As-Shuraim, Urdu Translation by Moulana Fateh Muhammad Jalandari
شروع الله کے نام سے جو بڑا مہربان نہایت رحم والا ہے ِ

جب آسمان پھٹ جائے گا ﴿۱﴾ اور اپنے پروردگار کا فرمان بجا لائے گا اور اسے واجب بھی یہ ہی ہے ﴿۲﴾ اور جب زمین ہموار کر دی جائے گی ﴿۳﴾ جو کچھ اس میں ہے اسے نکال کر باہر ڈال دے گی اور (بالکل) خالی ہو جائے گی ﴿۴﴾ اور اپنے پروردگار کے ارشاد کی تعمیل کرے گی اور اس کو لازم بھی یہی ہے (تو قیامت قائم ہو جائے گی) ﴿۵﴾ اے انسان! تو اپنے پروردگار کی طرف (پہنچنے میں) خوب کوشِش کرتا ہے سو اس سے جا ملے گا ﴿۶﴾ تو جس کا نامہٴ (اعمال) اس کے داہنے ہاتھ میں دیا جائے گا ﴿۷﴾ اس سے حساب آسان لیا جائے گا ﴿۸﴾ اور وہ اپنے گھر والوں میں خوش خوش آئے گا ﴿۹﴾ اور جس کا نامہٴ (اعمال) اس کی پیٹھ کے پیچھے سے دیا جائے گا ﴿۱۰﴾ وہ موت کو پکارے گا ﴿۱۱﴾ اور وہ دوزخ میں داخل ہو گا ﴿۱۲﴾ یہ اپنے اہل (و عیال) میں مست رہتا تھا ﴿۱۳﴾ اور خیال کرتا تھا کہ (خدا کی طرف) پھر کر نہ جائے گا ﴿۱۴﴾ ہاں ہاں۔ اس کا پروردگار اس کو دیکھ رہا تھا ﴿۱۵﴾ ہمیں شام کی سرخی کی قسم ﴿۱۶﴾ اور رات کی اور جن چیزوں کو وہ اکٹھا کر لیتی ہے ان کی ﴿۱۷﴾ اور چاند کی جب کامل ہو جائے ﴿۱۸﴾ کہ تم درجہ بدرجہ (رتبہٴ اعلیٰ پر) چڑھو گے ﴿۱۹﴾ تو ان لوگوں کو کیا ہوا ہے کہ ایمان نہیں لاتے ﴿۲۰﴾ اور جب ان کے سامنے قرآن پڑھا جاتا ہے تو سجدہ نہیں کرتے ﴿۲۱﴾ بلکہ کافر جھٹلاتے ہیں ﴿۲۲﴾ اور خدا ان باتوں کو جو یہ اپنے دلوں میں چھپاتے ہیں خوب جانتا ہے ﴿۲۳﴾ تو ان کو دکھ دینے والے عذاب کی خبر سنا دو ﴿۲۴﴾ ہاں جو لوگ ایمان لائے اور نیک عمل کرتے رہے ان کے لیے بےانتہا اجر ہے ﴿۲۵

More Surah
View all

Comments:

Listen Surah Al-Inshiqaq with Urdu and read Surah Al-Inshiqaq tarjuma by Moulana Fateh Muhammad Jalandari. Islamuna.com provides complete Surah Al-Inshiqaq mp3 audio with Urdu text and video as well. You can also download Surah Al-Inshiqaq in mp3 format for computer and mobile devices.
Listen Surah Al-Inshiqaq with translation of complete ayaats and tilawat read by Shaikh Abd-ur Rahman As-Sudais & Shaikh Su'ood As-Shuraim with Urdu translation (tarjuma) online. You can also get Quran translation in Urdu, English & Arabic so you can listen and read both at same time.